ДРЕВЛЕПРАВОСЛАВИЕ. Форум старообрядцев всех согласий

цитата:

Проклинаю тех, которыя не знаменуются тремя персты, а знаменуются двумя перстами указательным и великосредним, и иных знаменоватися тако научиша и ныне учат, да будут прокляти и анафема.

Проклинаю тех, которыя служат божественную литургию и полагают на безкровнем жерственнице седмь, а не пять просфир, не приемлют тискати на совершение тела Христова хлеб святаго четвероконечнаго креста Христова, да будут прокляти и анафема.

Проклинаю, иже на псалмопениях, и всюду поют и глаголют Трисвятую песнь, божественная аллилуиа по дважды с приглашением слава тебе Боже, а не по трижды, такоже пети и глаголати и иных учат, да будут прокляти и анафема.

Проклинаю тех, иже не приемлют имя глаголати Господа нашего Спасителя Иисус, а глаголют Исус, и глаголати иных учат, да будут прокляти и анафема.

И обещаюся, яко имя Господа Спасителя моего, как народу проповедовать обещаюся, так и самому глаголати, и писати не Исус, но Иисус, утверждати буду, и во артикуле второго чина точно тако глаголати и во единаго Господа нашего Иисуса Христа и прочее: тако всем сердцем и душею в того Иисуса, а не во Исуса, ниже именованый, верую я.

Проклинаю тех, которые не приемлют триперстное сложение, чрез Иисус Христос кратчайше пяти перстное благословение, пятипросфорное служение, против солнца в крещении, в бракосочетании, в церкве освящении, и инде хождении, и обряды, яже имать мать наша великороссийская церковь, и нарицают то еретическим преданием, а не святыя древлевосточныя церкви законоположение: тако тии глаголющии еретицы, да будут прокляти и анафема.

Присяга хотящим взыти на степень священства, Иоакима патриарха

цитата:

Буря ересей, от преисподних чрез Ария во Греции возродившаяся, а в последняя лета происками Мартина арменина чрез брынских скитоначальников возникшая в нашем отечестве, готова была опровергнуть тишину единыя, святыя, соборныя и апостольския церкви: ты же пастырь добрый, положивший душу твою за овцы, прогнав оных душепагубных волков, бурю суемудрия укротил еси, верныя же научил еси триипостасному Богу взывати: алиллуиа