ДРЕВЛЕПРАВОСЛАВИЕ. Форум старообрядцев всех согласий

Известно, что одно время кандидат в никониянские попы давал следующую клятву:

Хотящим взыти на степень священства утвержденное присяге изложенное, святейшаго Иоакима патриарха Московскаго и всея России. Печатным тиснением в Московской типографии издася, от по плоти Рожества Христова, в лето 1679-е.

Скрытый текст

Аз, нижеименованный, верую и исповедую восточную и великороссийскую святую Церковь, в ней же ныне пребывает всепресветлейшая державнейшая великая государыня наша и госпожа, и царица София Алексеевна, сущу истинну и православну во всем едину такову же как изначала от самого святаго Христа, и апостол Его, и святых отец соборами утвержену. ибо она никаких в себе ересей и расколов сопротивных Богу, и нововводств не имеет, и тако во всем ю чисту и непорочну быти, верую и приемлю.

Верую и приемлю, целую, и лобызаю и проповедую предание истинное быти от великороссийских наших архипастырей. Знамение честнаго креста воображати на лицах своих первыми тремя персты, яко сие есть древнейшее апостольское и святых отец предание, верую и приемлю.

Верую, приемлю, проповедаю в священной службе на проскомидии полагаемы быти пять, а не седмь просфир. Печать же на просфирах имети животворящаго святаго креста четвероконечнаго, а не осмиконечнаго тисканием, яко же в лепоту имеет святая греческая восточная церковь, верую и приемлю.

Верую, приемлю и проповедую, яко имя Господа Спасителя нашего Христа, и того двумя письмы тако пишемы и глаголану быти Iисус, яко оно имя Пречистей Богоматери Aеве в благовестии архангел Гавриил от Бога с небес на еврейском языце снесено предаде, верую и приемлю.

Верую, приемлю, учу проповедаю иже на псалмех и всюду где в предании церковнем, святая аллилуия пети и глаголати с приглашением слава Тебе Боже не по дважды, но по трижды, ибо тое самое сущее предание святыя церкви древлевосточныя, верую и приемлю.

Верую, приемлю, учу и проповедаю иже ныне все догматы же чины и обряды церковныя (пишемыя) писанныя великия, и не писанныя, мелкия дробности, в восточней и в великороссийстей церкви держащияся, без сомнения и суть православни от святейших архиереов наших в душеспасительную пользу всему великороссийскому народу уставлены, верую и приемлю.

Обещаюся всею моею душею, и всем сердцем, свидетельствующу ми совести обещания моего, кленуся пред всемогущим моим Богом, и святым Его евангелием, яко знамение честнаго креста воображати буду всегда тако полагати на лицах своих первыми тремя персты, а не двумя по раскольнически.

Паки же обещаюся Богом и кленуся, что на проскомидии в служении литургии всегда имети и полагати буду пять, а не седмь просфир, и воображати на них печать образа святаго четвероконечнаго креста, тако же паки и паки от всего сердца моего тем же живым моим Богом кленуся.

И обещаюся, яко имя Господа Спасителя моего как народу проповедывать обещаюся так и самому глаголати, и писати не Iсус, но Iисус, утверждати буду, и во артикул втораго чина точно тако глаголати и во единаго Господа нашего Iисуса Христа и протчее, тако всем сердцем, и душею в Того Iисуса, а не в Iсуса, ниже поименованный верую я.

Кленуся же я пред Богом моим и обещаюся иже по псалмопениях и всюду глаголати и пети буду и люди учить святая божественная аллилуйя не по дважды с приглашением слава Тебе Боже, но по трижды пети, и глаголати, Восточная церковь яко же изначала содержит трижды.

Обещаюся же и кленуся всемогущим Богом, не инако в служении буду себе управляти, или благословение народу рукою моею подавати, но тако во всем яко же и сам приях от отец отцем господина архиерея моего (имярек) просвещати данныя ми люди от него, круг купели к солнцу ходити лицем, благословляти купель, трапезу, люди и протчее, потребнаго старца устава Малакса, такоже и вся иже писанныя, и неписанная мелкости, и великая предания греческия, святыя Восточныя церкви, и великороссийских наших пастырей учение, со именною клятвою моею держати приемлю и обещаюся.

Проклинаю тех, котории не знаменаются тремя персты, а знаменаются двема персты указательным и великосредним, и инех знаменоватися тако научиша и ныне учат, да будут прокляти и анафема.

Проклинаю тех, которыя служат божественную литургию, и полагают на безкровней жертвеннице седмь а не пять просфир не приемлют тискати на совершение тела Христова хлеб, святаго четвероконечнаго креста Христова, да будут прокляти и анафема.

Проклинаю тех иже не приемлют имя глаголати Господа нашего Спасителя Iисус, а глаголют Iсус, и глаголати иных учат, да будут прокляти и анафема.

Проклинаю иже по псалмопениях и всюду поют и глаголют трисвятую песнь, божественныя аллилуия по дважды с приглашением слава Тебе Боже, а не по трижды. Такожде пети и глаголати, и иных учат, да будут прокляти и анафема.

Проклинаю всех иже которые святый и четвероконечный крест не нарицают Крестом Христовым, а порицают его печатию антихристовою, да будут прокляти и анафема.

Проклинаю тех, которые не приемлют триперстное сложение чрез Iисус Христос кратчайше пяти перстное благословение, пяти просфорное служение, против солнца в крещении, в бракосочетании, в церквеосвящении, и инде хождении, и обряды яже имать, Матерь наша Великороссийская Церковь, и нарицают то еретическим преданием, а не святыя древле восточныя церкве законоположение. Тако тии глаголющии еретицы, да будут прокляти и анафема.

Проклинаю тех которые святейшаго Никона патриарха Московскаго не нарицают православным, а нарицают его святыя веры отступником и еретиком, да будут прокляти и анафема.

Проклинаю тех, иже по Никоне бывших Российских патриархов, митрополитов, архиепископов, архимандритов, игуменов, протопопов, и попов, и весь освященный чин нарицают не православными, а порицают их еретиками и отступниками святыя веры, да будут прокляти и анафема.

Аз же проклинаю расколоначалников и отступников бывших, и смутителей церковных: Аввакума протопопа, Никиту Пустосвята, Лазаря попа и лжемонаха Сергия, и с прочими последователями. И кто их почитает страдальцами и мучениками а не отступниками святыя Церкве, и не проклинает их, да будут прокляти и анафема.

Тако же да и все их расколы отступства разных их толков, иже святей Божией Церкви не покаряются, от них же мало воспомянувше, а именно: поповщина и беспоповщина, перекрещиванцы, дияковщина, марильщики, ануфриевщина, софонтиевщина, спасовщина, феодосиевщина, нетовщина, и лысовщина, и всех их богоотступных и разных толков и учителей их потаенных, и скверных попов, старцев, и старец и простых мужиков, их послушающих им. жительствующих за границею в Польше, в Литве, в Болохах, и иже зде внутрь России крыющихся в брынских лесах, в пустынях, в слободах, в Поморьи, на Керженце, в чернораменских лесах, иже в градех и селех, на Aону и Астрахани, в Володимере, в Москве, и в Нове граде, и всюду внутрь Государства Российскаго крыющимся и не подчиняющихся православным нашим архиереом, и всех тех богомерских еретиков и отступников от святыя нашея христианския веры, и богохульников с последующими их прелестям, и с самою тою прелестию тех, и з богомерским учением, проклинаю тако, да будут прокляти и анафема.

Сия же мною глаголанная исповедания присяги, обещания и клятва, ей, ей, истинно по залогу души моея, и от всего ума моего и от всего залога моего сердца, и от всея крепости мыслей моих, ибо что помышлях то и глаголах обещахся, и проклинах не ино бо глаголах и ино во уме моем помышлях, но в той единой силе и разуме яже, мыслих, то и глаголах исповедание языком и усты моими утверждах.

А ежели я, нижеименованный, вышеписанное глаголах и обещахся вольности оныя помянутыя и иности, а раскольников проклинал лестно и ложно, и слово мое было не согласно уму моему, или како развращуся во ин след, от господина архиерея моего и возненавижу на главе моей благословения и повеления его, или сопротив стану еже не послушати Матери нашея святей Церкви предания, в чем или како сопротив буду Российским архипастырям нашим, или хотя мало что; в служении церковном не согласен буду господину архиерею моему и сице всяко мерами приметаяся тайно или явно ухищряяся и употребляя буду, в чинах же церковных и в догматех учения и повеление инокое святей Божией Церкви сопротивное, и тако в чем либо в малом противу сего обещания, обещанию и клятве явлюся ложь, то ныне да приидут на мя святых отец вся соборныя клятвы, зде в животе трясение Каиново, проказа Гиозиина, Феофилово томление, Июдино разлияние. Тако да извержется зле душа моя всенужно и всеокаяно, и отдастся в руце лукавых бесов, а зде еще о сем себе повинна подвергаю гражданскому суду и казни, чему буду достоин, без пощады, а и тамо на том свете да буду я проклят же и анафема, и препроклят. Железо, камение, древеса да разрушатся и да растлятся, а я да пребуду со Июдою и с жидовы Христа распеншими не разрешен и с самим сатаною и с бесы его в геене огненней, и со Арием богохульным и прочими еретиками тьмопроклятыми буду аки тимпан с душею мучитися вовеки веков, аминь.

В заключение сих и всея моея присяги обещания же и клятвы, аз, имярек, целую Крест и слова Спасителя моего.

† Чин
Како приимати от раскольников и отступников к православной вере приходящих, печатася в царствующим граде Москве лета Господня 1720 месяца июля в 3 день. Исповедуемый прежде да читает символ веры потом же сие исповедание да глаголет: Верую и исповедую святую восточную и великороссийскую церковь, в ней же ныне пребывает благочестивейший государь царь Петр Алексеевич, и вси духовнаго и мирскаго чина люди, сущу православну такову, яко же из начала веры уставися от Христа и апостол и от соборов вселенских и поместных.

Верую и исповедую во святей восточней и великороссийстей церкви вся святыя седмь тайн и протчая церковная молитвословия и последования от архиереов и от всего священнаго чина, по определенному, яко же издревле установленная от Христа и от апостол и от соборов вселенских и поместных, и ныне совершенных действуются, и истинныя святыя суть таинствы и в наше суть спасение, верую и приемлю.

Верую и исповедую яко во святей восточней и великороссийстей церкви все догматы суть православны и никакими ересми и расколами неосквернены суть.

Верую и исповедую, яко во святей великороссийстей церкви вся новопечатныя книги, их же церковь содержит, суть православны, и никаких в себе ересей и противностей и нововводств не имеет.

Верую и исповедую и приемлю, предание святыя восточныя и великороссийския церкве, еже знаменатися тремя первыми персты, и по псалмех глаголати, аллилуия по трижды, с приглашением слава Тебе Боже, сущее и православное есть таковое предание.

Верую и исповедую и приемлю святое воображение креста Христова сицевым † видом воображенное на просфирах и на прочих вещах и местах, и поклоняюся и лобызаю.

Верую и исповедаю быти православно, и приемлю пишемое и печатное имя Iисусово со двумя буквами сице: "Iиcъ..."

Верую и исповедую и приемлю молитву Iисусову пишему и печатану сице соборне верными глаголемую: Господи Iисусе Христе Боже наш помилуй нас. яко есть святая, и предания древния святыя восточныя церкви. и глаголати всегда тако обещаваюся.

И прочая вся яже ныне содержит святая восточная и великоросийская церковь приемлю и исповедую, и верую яко вся та суть православна содержания ея, тако и покаряюся и пребыти в ней Божиею помощию желаю и обещаюся.
Аще ли же в вышеписанных не пребуду, или в чесом явлюся сопротивляяся, тайно или явно, повинен буду суду церковному и градскому без всякаго милосердия и прощения, и сам себе осуждаю смерти аминь.

Посем повелеть оному раскольщиков проклинать сицевым образом:

Проклинаю всех тех которые святейшаго Никона патриарха называют еретиком и неправославным, да будут прокляти и анафема.

Проклинаю всех таковых иже православных патриархов Восточных и Московских по Никоне и до сего настоящаго лета престолы правящих не исповедают быти православными, но паче называют раскольниками и еретиками, и всех архиереов и до священника такожде называющих, да будут прокляти и анафема.

Проклинаю всех таковых иже ныне не веруют и не исповедуют, яко во святей Восточней и Великороссийстей церкви от архиереев и иереев совершается под видом хлеба тело Христово и под видом вина кровь Христова, таковии да будут прокляти и анафема.

Проклинаю всех таковых иже ныне не веруют и не исповедуют, яко во святей Восточней и Великороссийстей церкви от архиереев и иереев совершаются все святыя седмь тайны, и прочая их церковная чинодейства, таковии да будут прокляти и анафема.

Проклинаю всех иже ныне не крестятся тремя первыми персты, но крестятся двумя персты, указательным и средним, и протчих учат творити тако, да будут прокляти и анафема.

Проклинаю всех таковых иже ныне глаголют по псалмех аллилуия по дважды, а не по трижды, и протчих учат тако творити, да будут прокляти и анафема.

Проклинаю всех хулящих и отмещущих воображаемый крест Христов на просфирах сицевым † образом и пишемое имя Спасителево сице Iисус, и молитву сию: Господи Iисусе Христе Боже наш помилуй нас, да будут прокляти и анафема.

Проклинаю всех таковых иже еретиков и раскольников бывших Аввакума протопопа и Никиту попа, прозванием Пустосвята, и Лазаря, и Феодора, и всех тогда бывших приемлют, и ныне им последуют, и не проклинают, но исповедуют их мучениками и страдальцами, да будут сии и со онеми и последующими им прокляти и анафема.

Проклинаю всех разных 9-ть толков, иже ныне восточней великороссийской церкви, и ея пастырем не покоряются и учат не покарятися яко же поповщина, онуфриевщина, они же и аввакумовщина, софонтьевщина, они же и стариковщина, они же и лесеновщина [лысенковщина?], и кадильники, и протчих их толков поповщина и безпоповщина, перекрещеванцы, и не перекрещеванцы, федосеевщина, и андреевщина, иже за рубежем, и в Поморье, и в Польше, на Ветке, и на Керженце и во всех градех и во уездах, как мирских, так и старцев и стариц, и лживых их попов и учителей отрицаюся, да будут прокляти и анафема.

Аще же аз вышеписанных всех противников и раскольщиков проклинал ложно и лестно да буду я проклят и анафема не прощен в сем веце и в будущем, аминь!

Очистительное клятвенное обещание попа Никифора Львова, обвинявшагося в раскольничестве, прочитанное при народном собрании в С.-Петербургском Троицком соборе 23 мая 1725 года.

Аз нижеименованный истинно исповедую и нескрытно объявляю, что от научения некоторых, которые называются староверцами в поповщине, в онофриевщине, в диаконовщине, и в безпоповщине, с поморцами и новгородцами и с протчими их разных толков (расколщики) ныне не пребываю и пребывать и никоего их учения слушать и держать не буду и ни на какия службы ради моления к помяненным лживым старообрядцам (то есть расколщикам) посылать в келлии и в домы их ходить и к себе их звать и принимать и соглашатся с ними ни о чем не буду.

И у помяненных староверцев (сиречь расколников) никогда исповедываться и двумя персты впредь креститься, и двоения аллилуия и прочих их суеверств в догмат веры ставити не буду.

И креста четвероконечнаго и новоисправленых книг и всех тайн святых по новоисправным книгам от лет патриарха Никона и до сего дне совершаемых не хулю, паче же вся тая приемлю, яко истинная.

И молитву "Господи Iисусе Христе Боже наш помилуй нас" не хулю, паче же и глаголю всегда.

И патриарха Никона и прочих по нем патриархов, архиереов и весь духовный чин и мирских людей имею за сущих христиан, а за отпадших и за противных не имею.

А о святей церкви и о ея таинствах, в ней же церкви и в них же таинствах ныне пребывает Благочестивейшая и Самодержавнейшая Великая Государыня наша Императрица Екатерина Алексеевна, Самодержица Всероссийская, с нею же вси духовнаго и мирскаго чина люди пребывают, я таковаго хуления ругания противности и непокорения и мудрования о всех вышеписанных, каково имеют помяненныя всех разных толков мнящиися быти староверцы, то есть расколщики, не имею и никогда иметь не буду.

Аще ли же аз о себе вся вышеписанная или что от вышеписанных рек ложно и неправедно, или что утаил, не буди мне прощено и разрешено в сем веце и в будущем и буди аз яко язычник и мытарь, и да возвратятся на мою душу и тело вся клятвы и анафемы. Твердою верою верую и кроме всякаго сумнения исповедую все купно и коеждо особне еже заключается в символе, си есть во изложении веры на святых вселенских соборех Никейском первом и Константинопольском втором, сложенном, его же святая соборная апостольская Восточная Церковь содержит и исповедует.
О сложении триех перстов в знамении крестном ересию и печатию антихристовою, трикратное глаголание аллилуиа и имя Iисусово пишемое сице: Iисус ересию и крест четвероконечный идолом, кумиром и мерзостию, стоящею на месте святе, молитву сию "Господи Iисусе Христе Боже наш, помилуй нас" новою еретическою, книги церковныя новоисправленныя растленными и весма еретическими блядословящих, аки сквернейших еретиков проклинаю и старопечатных книг, которыми расколники суемудренно прелщающе утверждаются, читать и никакого по них действия надлежащаго и святей церкви сам отправлять и протчых к тому научать не буду.

Исповедую к сему в литургии божественной приноситися Богу истинной, свойственной, богоугодной и благоприятной безкровной жертве и о живых и усопших и в евхаристии тайне быти истинно и существенно телу и крови купно с душею и Божеством Господа нашего Iисуса Христа и быти пременению всего существа хлеба в тело и всего существа вина в кровь, еже кафолическая Восточная Церковь пресуществлением именует.

Исповедую такожде под двемя виды хлеба и вина всего и целаго Христа истинную тайну верным приимати.

Нарицающих идолами святыя иконы и писание, глаголющее о идолех хулно, на святыя иконы наводящих и почитати их по достоянию не хотящих отверженных на святом вселенском седмом соборе иже в Никеи, отметаю и анафеме предаю, а я все святыя иконы как прежде почитаю и им покланяюсь и впредь то содержать буду неотменно.

Верую к сему и исповедую от Христа богоданную быти власть в церкви православнокафолической архиереом и иереом другоприимателне еже вязати и решити, и яко еже аще тою им данною властию свяжут и разрешат на земли, связано и разрешено будет на небеси; власть же сию данную от Христа негде инде мню быти, но токмо во единой православной кафолической восточной церкви, яже от начала в России цела невредна и доныне пребывает и не всякому вручена есть, токмо служителем божественных тайн, а глаголющих, яко от лета стошестдесят шестаго церковь православная в России повредися и яко антихрист уже прииде, а чувственно не приидет и похищающих на ся власть духовную и сих иже от святыя церкви отторгшеся к ним приходят, аки некрещеных крестят и прочая священническая действуют без рукоположения не боящихся совершати - аки безумных святотатей осуждаю и анафеме предаю.

Отрицаюся и проклинаю всех расколщиков: поповщину и безпоповщину, которые святейшаго патриарха Никона называют еретиком и неправославным, да будут они прокляти и анафема.

Проклинаю всех таковых расколщиков, поповщину и безпоповщину, которые патриархов восточных и московских по Никоне и до сего настоящаго году престол правящих не исповедуют быти православными, но паче называют расколщиками и еретиками и всех архиереов и до священника такожде называющих, да будут они прокляти и анафема.

Проклинаю расколщиков всех поповщину и безпоповщину, кои ныне не исповедуют и не веруют во святей восточней и великороссийской церкви от архиереов и иереев совершающееся под видом хлеба быти тело и под видом вина быти кровь Христову, - да будут они прокляти и анафема.

Проклинаю всех расколщиков поповщину и безпоповщину кои не веруют и не исповедуют во святей восточней и великороссийской церкви от архиереев и иереев совершающихся всех таин быти святыми тайнами и о прочем их церковном действе не веруют же, - да будут они прокляти и анафема.

Проклинаю всех расколщиков, поповщину и безпоповщину и прочая вся согласия, иже ныне не повинуются святей церкви в крестном знамении перво триперстнаго сложения, но держат упрямо за непременный догмат двоеперстное сложение указателнаго и средняго, - да будут они прокляти и анафема.

Проклинаю всех таковых разколщиков, иже не повинуются святей церкви во чтении по псалмех по трижды аллилуиа, но упрямо держат за непременный догмат по дважды аллилуия, - да будут они прокляти и анафема.

Проклинаю всех таковых иже ныне еретиков расколщиков бывших Аввакума протопопа и Никиту попа и Лазаря и Феодора и всех тогда и ныне им последующих не проклинают, но исповедуют их мучениками и страдальцами, - да будут они со онеми и последующии им прокляти и анафема.

Истинную же православно-кафолическую веру, кроме ея же никто спастися может юже ныне доброхотне исповедую истинно содержать буду туюжде целу и невредиму, даже до конечнаго моего издыхания постоянно (Богу помогающу) елико мощно ми, тщатися буду, как суще мне Господь Бог душевно и телесно да поможет.

Кленуся и еще Всевидящим Богом что вся сия ныне мною обещаваемая не инако толкую во уме моем, яко провещаваю устнами моими, но в той силе и в таком разуме, яковую силу и разум чтущим и слушащим сия являют, утвержаю же сия клятвою моею тако заключаю: аще противная сей моей клятве впредь мудрствовать или действовать дерзну, то подвергаю мене церковной клятве и гражданскому жестокому суду. В заключении же сего моего очистительнаго клятвеннаго обещания целую слова и крест Спасителя моего и подписуюсь.

Отсюда вопросы к поповцам:

- Человек, давший такую клятву - по-вашему, какого чина еретик?

- Или, возможно, вовсе безбожник?

- Или нет, только раскольник? И почему?